صرت أنا للحب والدمعة أسير
في حياتي يوم راحة ماظهر
مظهري جنه ومضموني هجير
مرقدي تمثيل والواقع سهر
جيت يمك وأنت عزمت المسير
صرت ضدي مع صواديف الدهر
الوداع فراق والموقف مرير
والعزى ماضيك والحاضر قهر
![ لا تظن اني يوم هويتك هذا لعب عيال ]!
مات حبك والبقية في حياتك
في حنايا خافقي لاقى مصيره
خذ مع الجثمان باقي ذكرياتك
تجربه حبي معك كانت مريره
مايعرف الحب من سوى سواتك
يجهل الإخلاص من ضيع ضميره
غرني ياصاحبي ظاهر صفاتك
غلطتي يا للأسف كانت كبيره
![ لا تظن اني يوم هويتك هذا لعب عيال ]!
في كلامي بختصر حروف القصيد
وأذكر الغالي مهما كان بعيد
بدعي له بالخير والعمر المديد
يا عسى صالح أعماله تزيد
![ لا تظن اني يوم هويتك هذا لعب عيال ]!
أخطيت يوم اني طلبت حنانك
لاصرت فاقد الشي وش لون تعطيه ؟
مهما نطق لي بالمشاعر لسانك
بدون إحساس صعب أقتنع فيه
إحساسك المصنوع خنته وخانك
جاملتني به وانت تجهل معانيه
![ لا تظن اني يوم هويتك هذا لعب عيال ]!
اسهر الليل وجنبي الجوال
اخزن فيها شعري واغنيه موال
من شافني قال الله يرحم الحال
كله افكر فيك يا مشغل البال
محيرن تفكيري وصفك يالغزال
ياقلبي خلي عنك القيل والقال وكلام العذال
انساك يا عمري هذا محال
![ لا تظن اني يوم هويتك هذا لعب عيال ]!
لا تظن اني يوم هويتك هذا لعب عيال !
لا ولاهي مشاعر عابرة أو نزوة تعتريني
عمر العشق ماكان كلمتن سهلة وتنقال
اذا زاد الوله مره وفاض الشوق فيني
![ لا تظن اني يوم هويتك هذا لعب عيال ]!
شفت النحل وشلون يبني خليه
مثله بنيت بداخل القلب لك بيت
ياللي سكنت القلب عن طيب نيه
ماني سعيد القلب لامن تخليت
الحب نيــــه والنوايا مطيه
ومن مدلي فنجال حبه تقهويته!!
![ لا تظن اني يوم هويتك هذا لعب عيال ]!